It's Showtime

Goodness gracious! Hindi kayo namamalikmata! Heto na talaga, nagbabalik na si Vice Ganda! Para bang costume party, nag-effort ang "Showtime Online U" squad at ilang Madlang People na magbihis bilang characters ni Meme Vice sa pelikulang "Girl, Boy, Bakla, Tomboy." Lumabas naman si Vice dressed as Girlie, isa sa magkakapatid na Jackstone sa nasabing pelikula. Dahil nagbabalik na ang life of the party, ang kuwentuhan sa 'Laro Laro Pick,' extra happy! Mataas man ang presyo ng gasolina, dahilan para maghigpit sila ng sinturon, hindi naman tinipid sa papremyo, good vibes at pag-asa ang madlang jeepney drivers na sumabak sa game arena. At hindi rin tinipid ni Meme Vice ang kan'yang boses, na ginamit niya upang manawagan sa gobyerno ng tamang assistance at tulong para sa mga drivers lalo na sa gitna ng pandaigdigang oil price hike. Naantig ang puso ni Vice sa kuwento ni Hapon na mula Bicol ay lumuwas upang makipagsapalaran. May isa siyang anak na natigil ang pag-aaral sa kolehiyo dahil nahinto ang pagpapadala niya ng allowance mula nang matigil sa pamamasada dahil sa pagtaas ng gasolina. Isang buwan na siyang walang trabaho, dahil isinauli na niya ang jeepney sa operator nito. Kung noon, kahit papaano ay sa jeep siya natutulog, ngayong wala na ang jeep ay sa kalsada na lang nakatira si Hapon. Rumaraket lang siya bilang 'porter' sa isang terminal para lang may pambili ng pagkain. Hindi nakatiis si Vice Ganda at nangako na bibigyan si Hapon ng pamasahe pauwi ng Bicol at maliit na puhunan upang makapagsimulang muli. Magbibigay rin si Meme Vice ng tulong sa pag-aaral ng anak ni Hapon. Samantala, si Ricky ang naglaro sa jackpot round. Kuwento niya, halos wala na siyang kinikita sa pamamasada dahil sa presyo ng gasolina. Binigyan ni Ricky ng green light ang P200,000 Pot question kapalit ng P30,000 Li-Pot offer.At sa tulong ng clue mula kay Vice Ganda, nasagot ni Ricky nang tama ang tanong tungkol sa isang detalye sa pelikulang "Girl, Boy, Bakla, Tomboy." Bumuhos ang emosyon nang masungkit ni Ricky ang jackPOT money. Hindi lang si Ricky, o maging si Hapon, ang panalo. Dahil lahat ng madlang jeepney drivers ay nakatanggap ng P5,000 na ayuda mula kay Meme Vice. #ItsShowtimeOnline #ItsShowtimeFullEpisode #ABSCBNEntertainment #ShowtimeGirlieVerse